తాతయ్య కల

'Why Rama has sent Sita to forests when she was pregnant?' (Chinna Jeeyar)

2011-03-31T04:21:00.000-07:00

Why Rama has sent Sita to forests when she was pregnant? Just by some comments made by drunkard washer man? As a king, he has to verify/check the allegations made by some body before punishing. Before returning to Ayodhya, Sita has entered the fire and has proven her prativatya. Please clear my doubts.

AT THE OUTSET, ONE NEEDS TO REMEMBER THAT RAMAYANAM WAS NOT BOOK OF POETRY, WRITTEN BY SOME POET.. IT WAS HISTORY. VALMIKI RECORDED ALL THAT WHATEVER HAD HAPPENED. HENCE THERE SHOULD NOT BE ANY QUESTION LIKE 'WHY IT HAD HAPPENED'. ALL THAT WE NEED NOT KNOW HOW SOMETHING WAS HAPPENED. AND TRY TO UNDERSTAND THE REASON IF POSSIBLE, JUSTIFICATION SHOULD BE ACCORDING TO WHATEVER HAD HAPPENED NOT ACCORDING TO OUR OWN LOGIC.

NOW, RAMA KNOWS THAT SITHA WAS PURE AND SITHA KNOWS THAT RAMA WAS ALSO GOOD. WITHOUT SITHA'S ENTERING INTO THE FIRE ITSELF RAMA WAS SURE OF SITHA'S CHARACTER. BUT HE ALSO WAS A MAN. SO HUMANLY WEAKNESSES BOTHERED HIM. THAT WAS A DIFFERENT ISSUE. SHE PROVED HER GREATNESS, WHILE COMING OUT FROM THE FIRE. BUT
WHO KNOW ABOUT IT? ONE MAN, HIS OWN BROTHER KNOWS. ALL OTHERS WHO WITNESSED WERE MONKEYS, DEMONS AND DEVATHAS. NO OTHER MAN WAS THERE TO SAY. SO THERE IS ALWAYS A ROOM FOR SUSPICION. AND THAT SUSPICION WAS THERE IN ALL THE PEOPLE OF AYODHYA. ONLY ONE CAME OUT AND OTHER WERE HIDING IN THEIR HEARTS ONLY. THAT WAS THE REASON THEY DID NOT ASK RAMA, WHEN THEY CAME TO KNOW THAT SITHA WAS SENT TO FOREST. RAMA GOT IT CONFIRMED BY THEN, SO HE DECIDED TO SATISFY THE WHOLE COUNTRY, RATHER THAN KEEPING HIMSELF AND SITHA HAPPY BY LIVING TOGETHER. SO HE SENT HER TO THE FOREST. THEY MADE THE COUNTRY FEEL HAPPY
AT THE COST OF THEIR OWN LIVES AND JOY.

=Chinnajeeyar=

ప్రేయసి తో 'మాత్రమే' నిజం చెప్పడమేనా ఆరెంజ్ !!!!

2010-12-15T14:05:00.000-08:00

కేవల౦ ఏ ఒక్కరి విశ్లేషణ ఈ సినిమాని వివరించ గలిగేది కాదు ..... సినిమా చూసిన లేక మెచ్చిన వారి అభిప్రాయం ముందు గా తెలుసుకోవాలని ఒక అర్ధవంతమైన చర్చ కు ఈ టపా తో శ్రీకారం చుట్టాలని నా కోరిక ..కావున మీ అభిప్రాయము తెలియచేయగలరు.

ప్రేయసి తో 'మాత్రమే' నిజం చెప్పడమేనా ఆరెంజ్ ???

సినిమా చూడని వారు కూడా స్వ౦త అభిప్రాయము తెలుపగలరు ..

జగమంత కుటుంబం నాది - రవి, కవి మరియు కృష్ణవంశి !

2009-10-21T08:10:00.003-07:00

నా వరకు నేను అందరు ఈ పాట ను పలువురు జాతీయ అవార్డు కు అర్హమైనది గా భావించుట వల్ల ఇంకా కొంత వివరణ వల్ల ఆసక్తి కలిగింది.ఇంకా 'సిరివెన్నెల' గారు ఇచ్చిన వివరణ సినిమా విజయం కు ఉపయోగపడే విధంగా ఉన్నట్లు అనిపించింది, క్లారిటీ లేదు. వ్యాపారాత్మకం గా చెప్పటం లో అసలు భావం ఇదేనా అనిపించింది.చంద్రబోస్ మంచి ప్రశ్నలే సంధించాడు.

'జగమంత కుటుంబం నాది' ఈ పాటకు ఇప్పటి వరకు కొన్ని వివరణలను చూసాను .అవి ఎక్కువగా గేయ రచయిత యొక్క భావము ను మాత్రమే ప్రతిబింబించాయి. ఇంకా ప్రతి ఒక్కరు వారి జీవితము నకు సంబంధించినదేమో అనేలా ఉన్నది అన్నారు. నేను కొంత వరకు విభేదిస్తున్నాను .

ఎలా అంటే 'జగమంత కుటుంబం నాది ఏకాకి జీవితం నాది' ఈ లైను 'అబ్దుల్ కలాం' కి కొంచెము ఎక్కువ వర్తిస్తుంది. 'సోనియా గాంధీ' కు కొంచెము తక్కువ వర్తిస్తుంది లేదా అసలు వర్తించదు అని నా వ్యక్తిగత అభిప్రాయము .నా వరకు నేను రెండవ వర్గములోకి వస్తాను.

అలానే చాలా మంది ఇలా అందరికి తమ గురించే ఇది అనిపించేలా వ్రాయడం, లేక చాల అర్ధాలు కనిపించేలా వ్రాయడం కవి గొప్పతనము అని భావించారు. ఇది అతిశయోక్తి లా ఉన్నది. అదృష్టవశాత్తు 'సిరివెన్నెల' గారు కూడా ఇదే చెప్పియున్నారు. అది కవి గొప్పతనము ఏ మాత్రము కాదు అని.

సినిమా కి ముందు ఈ గేయము అర్ధము వేరు , సినిమా వల్ల మానవీయ కోణము కలసినది ...ఆ క్రెడిట్ నిశ్చయము గా కృష్ణవంశీ కి దక్కుతుంది.మొత్తము గా కవి భావము ఏ పాత్రలో ఉంటె ఆ రూపాన్ని సంతరించుకునే విధముగా కనిపిస్తుంది.

దర్శకుడు గీతమునకు తనదైన భావము తో సినిమాని ఆవిష్కరించారు. ఇంకా హీరో కి కాన్సర్ అని కాకుండా కధ చెప్పలేరా అంటే అది సినిమా .. సందేశము సరిగా ఇవ్వబడలేదు అని వాదించడం కుదరదు ఈ సినిమా లాభాపేక్ష లేకుండా తియ్యబడలేదు కాబట్టి.

ఇటీవల పరమపదించిన 'బాలగోపాల్' గారు ఒక మంచి ఉదాహరణ.

విశ్లేషణ లోకి వెళ్తే

సినిమా లో హీరో తో పాటు అతని భావాలతో మనమూ వెల్తుంటాము కాబట్టి, ఇదీ ఈ పాట కు భావము అని తెలిసి పోతుంది .

రవి గా మరియు కవిగా చెప్పిన భావాలకు ఒక చిన్న అంతరం ఉంది . రవి గాంచని చోట కవి గాంచున్ కదా..అనగా రవి వాస్తవము ను మాత్రమే చెప్పగలడు. కవి మాత్రం వాస్తవికతకు తన ఊహ ను జోడిస్తాడు లేదా మనను తనదైన ఊహ ప్రపంచము లో విహరింప చేస్తాడు. ఎలా అంటే మంచు ఎడారిలో, మల్లెల దారిలో, పన్నీటి జయ గీతాలు ...ఇలా ఇవ్వన్ని ఒకరి అనుభూతికి ఇంకొకరి తో పోలిక ఉండదు కదా.

ఇదంతా ఎందుకు అంటే కవి యొక్క ప్రతి భావము కు నిజరూపము ఉండకపోవచ్చు లేదా నేను చెప్పలేక కావచ్చు .

1. జగమంత కుటుంబం నాది… ఏకాకి జీవితం నాది

సినిమా ప్రకారము హీరో కాలనీ లో ప్రతి ఒక్కరి సమస్యలను తీర్చేస్తూ, అదే సమయము లో వారిలో పరివర్తనను కలిగించే క్రమము లో జగమంత కుటుంబం నాది అనియు, వ్యక్తిగతము గా తన ప్రస్తుత పరిస్తితి ని ఏకాకి జీవితం నాది(అప్పటికే తనకు కాన్సర్ అని ప్రేక్షకులకు తెలుస్తూంది) అని చెప్తాడు.
ఇదే కవి మరియు రవి పరంగా చెప్పే సమయము లో ఇంత భావోద్వేగము ఉండదు కదా.ఎందుకంటె అవి కల్పితం.

2. సంసార సాగరం నాదే సన్యాసం శూన్యం నావే

ఇవన్ని ఒక జీవికి సంబంధించిన విషయాలు ..'సంసార సాగరం' అన్నప్పుడు వేరు వేరు పదాలు కాదు అని గమనించాలి. సన్యాసం, శూన్యం అనేవి ప్రత్యేకము గా ఉండవు. ఎవరు ఎప్పుడు ఎక్కడ ఉన్నా అవికూడా వారిలో ఒక భాగమే అని కదా.. ఇంటిలో ఉన్నప్పుడు 'సంసార సాగరం' అంటే ఆ కుటుంబ సభ్యులు మాత్రమే, మరి జగమే ఇల్లు అయినప్పుడు పరిధి పెరుగుతుంది ...ఇంకా సన్యాసము , శూన్యము వేరుగా చెప్పడము అవివేకమే కదా.

ఒక జీవి సంసారం నుండి సన్యాసం అటు పిమ్మట శూన్యము అంటే మరణము పొందవచ్చును . లేదా కవి ఊహల్లో మోక్షము పొందవచ్చును. దీనినే గీత రచయిత సంపూర్ణత్వము అన్నారు.

3. కవినై కవితనై భార్యనై భర్తనై

కవినై కవితనై

కవి యొక్క ఆలోచనా పరిధి ఇంకా పెద్దది అని ఇక్కడ తెలియ చేస్తున్నారు ....రవి గాంచని చోట కవి గాంచునని కదా మరి. సినిమా కు సంబంధించి 'కవి' అనగా స్పందించే మనసు ఉన్నవాడు. ఇంకా 'కవినై' అంటే ఊహించు శక్తీ ఉన్నవాడు, 'కవితనై' అంటే ఊహను దృశ్యము గా చూపించే ప్రయత్నమూ.

'చక్రం' అనే వ్యక్తి ప్రతి వ్యక్తి సమస్యలను వాని కి పరిష్కారము ను ఎలా చెప్పాడు అన్నది కావచ్చు. అంత దృశ్యము లేదంటారా...కధా రచయిత గీతము లోని ప్రతి పదమును హీరో కి అన్వయించకున్నాకొంత వరకైనా అర్ధవంత మైనది అని చెప్పాలి కదా...

ఇంకా గీత రచయిత భావములో 'కవినై , కవితనై' అంటే తన కవితలో ప్రతి భావం తానే , అలా తనే ఆ కవిత అవుతాడు.

భార్యనై భర్తనై

భార్య భర్త అంటే తోడు, నీడ అని ఇంకా అనంత మైన భావాలున్నాయి. ఒకరికొకరు తెలిసినప్పుడు భార్యనై భర్తనై అనుట అత్యంత సాధారణము కదా. కవి గురించి వేరే చెప్పాలా, ఈ రెండు అనుభవాలు తనకు కొట్టిన పిండి అని.

4. మల్లెల దారిలో మంచు ఎడారిలో పన్నీటి జయగీతాల కన్నీటి జలపాతాల

ఇవి జీవన గమనము లో ప్రతి వ్యక్తి కి కలిగే అనుభవాలు ఒక్కొక్కసారి ఒక్కోలా , ఇవి అన్ని త్యజించిన వారికి కూడా కలుగుతాయా అని నా సందేహం.ఏమో వారికి మాత్రము మంచి చెడులు ఎదురు అవ్వవా.ఈ నాలుగు పదాలు ఒక దానికొకటి సంబంధము ఉన్నట్లు గా చాల మంది చెప్పారు .కాని ఒకే వర్గమునకు చెందినవి అనుకొంటున్నాను. పన్నీటి జయగీతాలు మంచు ఎడారిలో కూడా కనిపించవచ్చు కాబట్టి వేటి కవే అంటాను.

5. నాతో నేను అనుగమిస్తూ నాతో నేనే రమిస్తూ వంటరినై అనవరతం

కవి ఇలా కవినై కవితనై, భార్యనై భర్తనై .. అనుభవం లోకి వచ్చే అన్ని సమయాల లోను ..... తనతో తను ప్రయాణిస్తూ అంటే భావుకుడు భావంతో ప్రయాణిస్తాడు కదా... 'నాతో నేనే రమిస్తూ' అంటే ఈ ప్రయాణము లో పొందిన అనుభవాలను ఆస్వాదిస్తూ ..

ఇంకా సినిమా లో హీరో అయితే తన భావాలు వేరొకరితో పంచుకొనే స్థితి లేదు, ఇంకా మన ఆలోచనలలో మనకు తెలియకుండా అనుభవము లోకి వచ్చే పదాలు ఇవి.

వంటరినై అనవరతం : తనలో తానూ అప్పుడప్పుడూ కాకుండా నిరంతరం అని చెప్తున్నారు. పైన చెప్పినట్లుగా కొన్ని కొన్ని ఆలోచనలు లేదా అనుభవాలు కేవలము వచ్చి వెళ్ళిపోకుండా జీవితము లో ఒక భాగము అవుతాయి

6. కంటున్నాను నిరంతరం కలల్ని కథల్ని మాటల్ని పాటల్ని రంగుల్ని రంగవల్లుల్ని కావ్య కన్యల్ని ఆడపిల్లని

'కంటున్నాను' అంటే చూస్తున్నాను అనియు జన్మ నివ్వడము అని ఇంకో అర్ధము ...సినిమా లో మాత్రము హీరో అటు ఇటు చూస్తూ రంగవల్లుల్ని అన్నప్పుడు ముగ్గుల్ని, ఆడపిల్లల్ని అన్నప్పుడు అమ్మాయిల వైపు చూసాడు .ఇలా కొన్ని సరిగాను ఇంకొన్ని ఎలాగోలా అభినయించాడు.

ఇంకా కవి గా ఆలోచిస్తే తన ప్రయాణము లో పైన చెప్పిన ఊహలన్నింటికి ప్రాణం పోస్తున్నారని లేదా ఆ భావాలు వాటికవే ఉత్పన్నమౌతున్నాయని ....ఇంకా తన మనో నేత్రము తో ఇవ్వన్ని వీక్షించు చున్నారని, ఆడపిల్లల్ని అని కావ్య కన్యల్ని తర్వాత ఫ్లో లో వచ్చినట్లుగా అనిపిస్తుంది. చంద్రబోస్ ఒక కార్యక్రమము లో ఇదే సందేహము ను ప్రస్తావించారు.

కంటున్నాను నిరంతరం , ఎల్లప్పుడు మల్లెల దారిలో లేదా మంచు ఎడారిలో , పన్నీటి జయ గీతాల లేదా కన్నీటి జల పాతాల లాంటి అనుభవాలతో నాతో నేను ప్రయాణిస్తూ, ఆ ప్రయాణము లో ని కష్ట సుఖాలను నేనే అనుభవిస్తూ నా మనో నేత్రములొ 'కలలను, కథలను, ఇంకా అందమైన దృశ్యాలను, భావాలను, కావ్యాలను, అందమైన ఆడపిల్లల్ని' ప్రాణం పోస్తున్నాను లేదా చూస్తున్నాను.

7. మింటికి కంటిని నేనై కంటను మంటను నేనై మంటల మాటున వెన్నెల నేనై వెన్నెల పూతల మంటను నేనై

తన జీవన గమన వర్ణన ను 'కవి' పూరించిన దారిలోనే 'రవి' కూడా ప్రయత్నించినట్లు గా లేదూ .అబ్బో సూర్యుడు కూడా భావకుడే లేక పోతే ఆకాశమునకు తను నేత్రము అట. ఇంకా తానె ఆ కంటిలోనుండి వచ్చే వేడి .కవినై కవితనై కి కౌంటర్ గా అనిపిస్తోంది. 'భార్యనై భర్తనై' కి సరిగా, 'మంటల మాటున వెన్నెల నేనై వెన్నెల పూతల మంటను నేనై' అనువదించుకుందమా మరి.

ఇంకా ఆలస్యము ఎందుకు 'మంటల మాటున వెన్నెల నేనై' కవిత్వము లో ఏమి చెప్పారో కాని, భూమికి ఒక అర్ధ భాగములో పగలు అయితే ఆ మంటల మాటున అనగా వెనుక వైపున రాత్రి కదా. 'వెన్నెల పూతల మంటను నేనై' భూమి, సూర్యుడు , చంద్రుడు యొక్క సంబంధాన్ని అన్వయిస్తే ఈ భావం వస్తుంది. వెన్నెల అనేది సూర్యుని వల్ల కలిగే ఒక 'పూత' గా వర్ణించారు . నిజమే కేవలము చంద్రుడు వెన్నెలను ఇవ్వలేడు.

8. రవినై శశినై దివమై నిశినై నాతో నేను సహగమిస్తూ నాతో నేనే రమిస్తూ వంటరినై ప్రతినిమిషం కంటున్నాను నిరంతరం

సూర్యుడు లేనిదే పగలు, రాత్రి , వెలుగు మరియు చీకటి అనేవి లేవు కాబట్టి అన్నీ తనే అంటున్నాడు ఇంకా ఇలా తనతో తను ప్రయాణిస్తూ ..తనను తానె అనుసరిస్తూ పగలు, రాత్రి మొదలగు స్థితుల వల్ల తనలో కలిగే భావాలను అనుభవిస్తూ, 'వంటరినై ప్రతినిమిషం' మరి సూర్యుడు వంటరి కదా, చూస్తున్నాను అన్నివేళలా.

9. కిరణాల్ని కిరణాల హరిణాల్ని హరిణాల చరణాల్ని చరణాల చలనాన కనరాని గమ్యాల కాలాన్ని ఇంద్రజాలాన్ని

కవి నిజంగా ఇంద్రజాలమే చేసారు ..కిరణాల్ని, కిరణాల హరిణాలు అంటే వేగంగా భూమికి చేరుతున్న కిరణాలు, ఆ హరిణాల వంటి కిరణాల పాదాల గమనము, ఆ గమనము కు గమ్యము అనగా అనగా సూర్యుడు కిరణాల అస్తిత్వాన్ని, వాని దిశ ను , తూర్పు నుండి పడమరకు ప్రయాణించే గమనమును ప్రతిబింబిస్తుంది.

10. గాలి పల్లకిలోన తరలి నాపాట పాప ఊరేగివెడలె గొంతువాకిలిని మూసి మరలి తను మూగబోయి నా గుండెమిగిలే

కవి కవిత ను తన శిశువు గా భావిస్తున్నాడు .కవిగా ఒక గీతము ను రచించి అది వినిపించిన (ఇచ్చేసిన) తర్వాత , ఇక అది తనకు మాత్రమే స్వంతమైన భావము కాదు ...ఆ ఎడబాటుకు కన్యాదానము చేసిన కవి మనసు మూగ పోతుందని, హృదయము మాత్రము కవితోనే ఉంటుంది అని .

11. నా హృదయమే నా లోగిలి నా హృదయమే నా పాటకి తల్లి నా హృదయమే నాకు ఆలి నా హృదయములో ఇది సినీవాలి

కావున మనసే నాకు అన్నీ అని భావము . మనసు లో నుండి వచ్చిన భావము వెళ్ళిపోతుంది కాని మనసు ఇక్కడే ఉంటుంది అని . ఇంకా 'నా హృదయములో ఇది సినీవాలి' అంటే తెలియదు . ఆయన సినిమా పాటలు వ్రాస్తారు కాబట్టి అలా సినిమాలకు ఎన్నో పాటలు ఇచ్చియున్నారు , పరిశ్రమ ని తల్లిగా భావిస్తూ సినీవాలి అంటే సినిమా కి నీవాళి అని నా ఊహా.

రచయిత 'సిరివెన్నెల' గారు జెమిని ప్రోగ్రాం లో ఈ పాటకు వివరణ ఇచ్చి ఉన్నారు . సినిమా విడుదల కు, ఆడియో రిలీజ్ ముందు ఈ చర్చ జరిగింది . అంటే 'చక్రం' సినిమా దర్శకునికి ఇది ఒక ఒక విధముగా పబ్లిసిటీ కోసం చెయ్యబడినది.

.

నా బెస్ట్ ఫ్రండు తాతయ్య ఇంక లేరు !

2009-07-22T05:29:00.000-07:00

మొన్న ఆదివారం ఫోను చేస్తే అమ్మ ఒకటే చెప్పడం తాతయ్య అస్సలు కదలలేకున్నా, ఇంటిలో ఎవ్వరు లేరు అని కూడా ఆలోచించకుండా తనే ఒక్కొక్క స్టెప్పు చైర్ ముందుకు జరుపుకొంటూ, మా వాళ్ళ ఇల్లు అన్ని దాటుకుంటూ మా వీధి చివరిదాకా వెళ్లి అక్కడ రోడ్ కి ఎర్ర మట్టి తోలారు కదా అది చూసి వచ్చారంట. అంత బాగుంటుందా !!! నాకు మాత్రం ఏమి తెలుసు.

ఇంకా అప్పటి నుండి ఆయన కి ఆయుష్షు రోజుల నుండి గంటల లోకి మారింది (ఒక ౪౮ గంటలు) ....కాని అంత కష్టం గా ఉన్న కూడా చూడాలి అనిపించిన దృశ్యం చూసి ఆనందించారు ...అమ్మ బాగా కోప్పడింది అనుకోండి, సాయంత్ర ఆయనకు బి పి చివరికంటా తగ్గింది , అలిసి పోయారు కదా ..కానీ మంచి డాక్టరు గారు, పిలవగానే వచ్చి ఒక ఇంజిషన్ ఇచ్చి ఇంకా ౪౮ గంటలు పొడిగించారు అన్నమాట తాతయ్య ఆయిష్షు . లేక పోతే నేను అస్సలా మాట్లాడలేక పోయేదాన్ని చివరి సారిగా ...నేనేం అలా వెళ్ళితే మీ ఆరొగ్య౦ ఏమి అవుతుంది, లాంటివి కుంచెం కూడా అనలా ...ఎందుకు అనాలి?...కదల లేకున్నా కూడా ఎంచక్కా చూడాలి అనిపించినది వెళ్లి చూసి వచ్చేసారు ...నేను కూడా తాతయ్య ని స్ఫూర్తి గా తీసికొని ,ఇప్పటి నుండి అమ్మో నా వల్ల కాదు ఇంకా అలా ఏమి అనను గాక అనను.
అప్పుడే మొదలయ్యింది కదా ..బ్లాగ్ లో వ్రాయడం నాకు రాదు అనుకున్నా , కానీ వ్రాస్తున్నాను అని తెలియకుండానే మొదలుపెట్టేసా !!!!

ఎలా అంటే బ్లాగ్ కి పేరు పెట్టాలి, 'తాతయ్య కల' అని అనిపించింది ఇంక. మరి ఆయన కలలు అన్ని నాకే తెలుసు అన్న గర్వం వచ్చేసి ఉంటుంది కాబోలు..

నాకు తాతయ్య ఇంకా అక్కడ ఇంటిలోనే ఉన్నట్లు, అందరిని గదిమేస్తున్నట్లు అనిపిస్తుంది. ఒక్కొక్కరిని ఎన్ని సార్లు చూసినా మల్లీ చివరిసారి చూడాలి అని మారాం చేసేవారు...ఆయన పిల్లల్ని మాత్రమే కాదు తన అన్నయ్యల పిల్లలు కూడా వచ్చి చూసేలా చేసికొనే వారు . లవ్ యు తాతయ్యా ! ఇంక మనం ఫోన్ లో మాట్లాడు కోవడం కుదరదు కదా..అందుకే ఇక్కడ చెప్తున్నా :)

Yet another start to write ...

2009-07-08T03:11:00.000-07:00

Hmmm what I want to write here !!!.....surprised to see , have created this blogroll 3 yrs back and yet to post any stuff....still I wonder , what in the world I can write diff than other friends here ...so good luck to me :)